మెగా పవర్ స్టార్ రామ్ చరణ్ హీరోగా, దర్శకుడు బుచ్చిబాబు సనా రూపొందిస్తున్న పాన్ ఇండియా చిత్రం పెద్ది విడుదలకు సిద్ధమవుతోంది. ఈ సినిమాపై ఇప్పటికే భారీ అంచనాలు నెలకొన్నాయి. జూన్ 4న ప్రేక్షకుల ముందుకు రానున్న ఈ సినిమా ప్రమోషన్స్లో భాగంగా సీనియర్ నటుడు జగపతి బాబు చేసిన వ్యాఖ్యలు ఇప్పుడు సోషల్ మీడియాలో వైరల్గా మారాయి.
పెద్ది సినిమాలో కీలక పాత్రలో నటిస్తున్న జగపతి బాబు, తన పాత్ర “అప్పలసూరి” తన కెరీర్లో చాలా ప్రత్యేకమైనదని తెలిపారు. “ఆ పాత్ర నన్నే డామినేట్ చేసింది. జగపతిబాబు ఇంకా ఉన్నాడని చెప్పడానికి ఇలాంటి రోల్స్ చాలా అవసరం” అని ఆయన భావోద్వేగంగా వ్యాఖ్యానించారు.
తన కెరీర్, వ్యక్తిగత జీవితం, సినిమాలపై ఉన్న ప్యాషన్ గురించి కూడా ఆయన ఓపెన్గా మాట్లాడారు. సినిమాలు తనకు కేవలం ప్రొఫెషన్ మాత్రమే కాకుండా జీవితం అని చెప్పారు. “డబ్బు అవసరం ఉంటుంది కాబట్టి సినిమాలు చేస్తాం. కానీ నాకు పని చేయడం అంటే నిజంగా ఇష్టం” అని తెలిపారు.
ఒకప్పుడు వ్యక్తిగత అలవాట్ల గురించి మాట్లాడుతూ, “ముందు మందు తాగేవాడిని, కానీ ఇప్పుడు పూర్తిగా మానేశా. ఇప్పుడు సినిమాలే నా ప్యాషన్” అని వెల్లడించారు.
తన సినీ ప్రయాణంలో ఎదురైన కష్టాలను కూడా జగపతి బాబు గుర్తు చేసుకున్నారు. మొదట్లో వరుస ఫ్లాపులు ఎదురైనా తర్వాత విజయం వచ్చిందని చెప్పారు. “ఫ్లాపులు వచ్చినా భయపడలేదు. ఏదో ఒక రోజు సక్సెస్ వస్తుందని నమ్మకం ఉండేది” అని అన్నారు.
2011 నుంచి 2013 మధ్య కాలం తన జీవితంలో కష్టమైన దశగా చెప్పిన ఆయన, ఆ తర్వాత మళ్లీ మంచి రోజులు వచ్చాయని పేర్కొన్నారు. ప్రతి కష్టం ఒక పాఠం నేర్పుతుందని ఆయన అభిప్రాయపడ్డారు.
ప్రస్తుతం తన కెరీర్ మంచి దశలో ఉందని, ఈ టైమ్ను పూర్తిగా ఎంజాయ్ చేస్తున్నానని చెప్పారు. కుటుంబ విషయాలు తప్ప మిగతా విషయాలను పెద్దగా ఒత్తిడిగా తీసుకోనని కూడా స్పష్టం చేశారు.
అలాగే పెద్ది సినిమాలో రామ్ చరణ్తో తనకు ఉండే ఎమోషనల్ బాండింగ్ ప్రేక్షకులను ఆకట్టుకుంటుందని ఆయన నమ్మకం వ్యక్తం చేశారు. చరణ్ డెడికేషన్, మేకోవర్ కోసం చేసిన కష్టం తనను ఎంతో ఇంప్రెస్ చేసిందని ప్రశంసించారు.
Recent Random Post:
