Priyanka Chopra Jonas సినీ ప్రయాణం కోలీవుడ్ స్టార్ నుంచి రాజకీయ నాయకుడిగా ఎదిగిన Joseph Vijay సరసన వచ్చిన Thamizhan సినిమాతోనే ప్రారంభమైన సంగతి తెలిసిందే. ఇప్పుడు విజయ్ తమిళనాడు ముఖ్యమంత్రిగా బాధ్యతలు చేపట్టిన నేపథ్యంలో, ఆయన గురించి ప్రియాంక అప్పట్లో చేసిన వ్యాఖ్యలు మళ్లీ సోషల్ మీడియాలో వైరల్ అవుతున్నాయి.
2002లో విడుదలైన ‘తమిళన్’ సినిమాతో ప్రియాంక దక్షిణాదిలో అడుగుపెట్టారు. అప్పట్లో తమిళ భాష అసలు రాకపోవడంతో డైలాగులను పేపర్పై రాసుకుని బట్టీ పట్టేదాన్నని ఆమె ఓ ఇంటర్వ్యూలో చెప్పుకొచ్చారు. షూటింగ్ ఎలా జరుగుతుందో కూడా పూర్తిగా తెలియని వయసులోనే విజయ్ లాంటి స్టార్ హీరోతో నటించే అవకాశం రావడం తన అదృష్టమని పేర్కొన్నారు.
అయితే ఆమెను నిజంగా ఆశ్చర్యపరిచింది విజయ్కు ఉన్న అభిమానమే. షూటింగ్ సమయంలో ఆయనను చూసేందుకు భారీగా చేరుకునే అభిమాన జనసంద్రాన్ని చూసి తాను షాక్ అయ్యానని ప్రియాంక తెలిపారు. “విజయ్ డాన్స్ చేసినా, డైలాగ్ చెప్పినా అభిమానులు దేవుడిలా చూస్తుండేవారు. ఆయనకు ఉన్న ఆ ప్రజాదరణ చాలా ప్రత్యేకంగా అనిపించింది” అని ఆమె చెప్పిన మాటలు ఇప్పుడు మళ్లీ వైరల్ అవుతున్నాయి.
అప్పుడే విజయ్ భవిష్యత్తులో పెద్ద నాయకుడిగా ఎదిగే అవకాశం ఉందని తాను భావించానని కూడా ప్రియాంక చెప్పినట్లు పాత క్లిప్స్లో కనిపిస్తోంది. ఇప్పుడు ఆయన నిజంగానే తమిళనాడు ముఖ్యమంత్రిగా ఎదగడంతో, ఆమె వ్యాఖ్యలు మరోసారి చర్చనీయాంశమయ్యాయి.
ఇక ఆసక్తికర విషయం ఏమిటంటే, ‘తమిళన్’ సినిమాలో విజయ్ సామాన్యుల కోసం పోరాడే లాయర్ పాత్రలో కనిపించారు. అప్పటినుంచే
ఆయన సినిమాల్లో సామాజిక, రాజకీయ అంశాలకు ప్రాధాన్యత ఇచ్చేవారని అభిమానులు గుర్తుచేస్తున్నారు. “అప్పుడు తమిళన్… ఇప్పుడు తమిళ ప్రజల నాయకుడు” అంటూ అభిమానులు సోషల్ మీడియాలో పోస్టులు పెడుతున్నారు.
50 ఏళ్ల రాజకీయ ఆధిపత్యాన్ని చెరిపేసి విజయ్ ముఖ్యమంత్రిగా అవతరించడం తమిళ రాజకీయాల్లో పెద్ద సంచలనంగా మారింది. ఈ నేపథ్యంలో ప్రియాంక చోప్రా అప్పట్లో చెప్పిన “విజయ్కు ఉన్న డివైన్ క్రేజ్” వ్యాఖ్యలు ఇప్పుడు అక్షరాలా నిజమయ్యాయని నెటిజన్లు కామెంట్లు చేస్తున్నారు.
Recent Random Post:
