టాలీవుడ్ ఎనర్జిటిక్ స్టార్ రామ్ పోతినేని మరో సరికొత్త ప్రయోగానికి సిద్ధమవుతున్నారు. హీరోగా మాత్రమే కాకుండా, దర్శకుడిగానూ తన ప్రతిభను చాటుకునేందుకు ఆయన అడుగులు వేస్తున్నారు. స్వీయ దర్శకత్వంలో తెరకెక్కనున్న ఓ మైండ్ బ్లోయింగ్ సైకలాజికల్ థ్రిల్లర్తో ప్రేక్షకులను సర్ప్రైజ్ చేయాలని రామ్ ప్లాన్ చేస్తున్నట్లు సమాచారం.
ఇటీవల ఈ ప్రాజెక్ట్కు సంబంధించి అధికారిక ప్రకటన వెలువడగా, రామ్ స్వయంగా కథను సిద్ధం చేసుకుని దర్శకత్వ బాధ్యతలు చేపట్టనున్నారని తెలిసి అభిమానుల్లో అంచనాలు పెరిగాయి. ఇప్పటికే ప్రీ-ప్రొడక్షన్ పనులు పూర్తి కాగా, నటీనటులు, సాంకేతిక నిపుణుల ఎంపిక కూడా దాదాపు పూర్తయినట్లు తెలుస్తోంది. అయితే హీరోయిన్ ఎంపిక మాత్రం ఇంకా ఆసక్తికరంగా మారింది.
కథలో హీరోయిన్ పాత్రకు ఎంతో ప్రాధాన్యత ఉండటంతో, ఆ పాత్రకు సరిపోయే నటి కోసం చిత్రబృందం కసరత్తు చేస్తోంది. మొదట ‘కేజీఎఫ్’ ఫేమ్ శ్రీనిధి శెట్టిని సంప్రదించినట్లు వార్తలు వచ్చాయి. కథ కూడా వినిపించినప్పటికీ, ఇతర కమిట్మెంట్ల కారణంగా ఆమె ఈ ప్రాజెక్ట్కు గ్రీన్ సిగ్నల్ ఇవ్వలేదని ఫిలింనగర్ వర్గాల్లో ప్రచారం జరుగుతోంది.
దీంతో ఇప్పుడు మేకర్స్ దృష్టి యువ హీరోయిన్ కయాదు లోహర్పై పడినట్లు టాక్ వినిపిస్తోంది. అస్సాంకు చెందిన ఈ భామ ప్రస్తుతం సౌత్ ఇండస్ట్రీలో అత్యంత బిజీ నటీమణుల్లో ఒకరిగా కొనసాగుతోంది. తెలుగు, తమిళం, మలయాళ భాషల్లో కలిపి దాదాపు ఎనిమిది చిత్రాల్లో నటిస్తోంది. నాని సరసన ‘ది ప్యారడైజ్’, దుల్కర్ సల్మాన్తో ‘ఐ యామ్ గేమ్’ వంటి క్రేజీ ప్రాజెక్టులు కూడా ఆమె చేతిలో ఉన్నాయి.
అయితే ఇప్పటికే బిజీ షెడ్యూల్స్తో ఉన్న కయాదు లోహర్, రామ్ పోతినేని చిత్రానికి డేట్స్ కేటాయిస్తారా లేదా అన్నది ప్రస్తుతం ఆసక్తికరంగా మారింది. ఆమె డేట్స్ కోసం చిత్రబృందం చర్చలు జరుపుతున్నట్లు సమాచారం. అయితే దీనిపై అధికారిక ప్రకటన వెలువడితేనే పూర్తి స్పష్టత వచ్చే అవకాశం ఉంది.
ఇక రామ్ పోతినేని తొలిసారి దర్శకత్వం వహిస్తున్న చిత్రం కావడంతో ఇండస్ట్రీలో ఈ ప్రాజెక్ట్పై భారీ అంచనాలు నెలకొన్నాయి. సైకలాజికల్ థ్రిల్లర్ జానర్లో తెరకెక్కనున్న ఈ సినిమాలో రామ్ కొత్త అవతారంలో కనిపించనున్నారని తెలుస్తోంది. మరి ఈ క్రేజీ ప్రాజెక్ట్లో రామ్కు జోడీగా కయాదు లోహర్ ఫిక్స్ అవుతుందా? లేదా? అన్నది తెలియాలంటే మరికొన్ని రోజులు వేచి చూడాల్సిందే.
Recent Random Post:
