తమిళనాడు రాజకీయాల్లో సంచలనం సృష్టించిన నటుడు Vijay ఇప్పుడు ముఖ్యమంత్రిగా బాధ్యతలు చేపట్టిన తర్వాత కూడా తన సినీ ప్రయాణానికి సంబంధించిన నిర్ణయాలతో వార్తల్లో నిలుస్తున్నారు. ఆయన చివరి చిత్రం Jana Nayagan చుట్టూ ప్రస్తుతం భారీ చర్చ కొనసాగుతోంది. ఇప్పటికే ఈ సినిమాపై అభిమానుల్లో భారీ అంచనాలు నెలకొన్నాయి. అయితే సెన్సార్, విడుదలకు సంబంధించిన కొన్ని అడ్డంకుల కారణంగా సినిమా విడుదల ఆలస్యం అవుతుండటంతో అభిమానుల్లో ఆందోళన వ్యక్తమవుతోంది.
ప్రస్తుతం ఈ చిత్రం రివైజింగ్ కమిటీ పరిశీలనలో ఉన్నట్లు సమాచారం. ఈ నేపథ్యంలో క్లియర్ సిగ్నల్ వచ్చేలా విజయ్ ప్రత్యేకంగా ఫోకస్ పెట్టినట్లు తెలుస్తోంది. ఫ్రాన్స్లో జరుగుతున్న కేన్స్ ఫిల్మ్ ఫెస్టివల్కు వెళ్లిన నిర్మాత వెంకట్ను వెంటనే చెన్నైకి రావాలని విజయ్ కోరినట్లు ప్రచారం జరుగుతోంది. దీంతో నిర్మాత తన విదేశీ పర్యటనను మధ్యలోనే ముగించి తిరిగి వచ్చినట్లు టాక్ వినిపిస్తోంది.
ఇక విజయ్ రాజకీయంగా ముఖ్యమంత్రి అయిన తర్వాత Jana Nayagan పై అభిమానుల్లో ఆసక్తి మరింత పెరిగింది. సీఎం హోదాలో ఉన్న విజయ్ నటిస్తున్న చివరి సినిమా కావడంతో ప్రేక్షకులు ఎంతో ఆసక్తిగా ఎదురు చూస్తున్నారు. అంతేకాదు, టైటిల్ కార్డులో కూడా సీఎం హోదాను చూపించాలని అభిమానులు డిమాండ్ చేశారు. ఆ తర్వాత “తమిళనాడు సీఎం సి. జోసెఫ్ విజయ్ నటించిన జన నాయగన్” అంటూ టైటిల్ కార్డు కనిపించిన వీడియో సోషల్ మీడియాలో వైరల్గా మారింది.
ఆ వీడియోలో పోలీస్ గెటప్లో విజయ్ నడుచుకుంటూ వస్తుండగా కొత్త టైటిల్ కార్డు చూపించడం అభిమానుల్లో భారీ జోష్ నింపింది. “భారత్లో తొలిసారి ఓ నటుడికి సీఎం టైటిల్ కార్డు” అంటూ అభిమానులు సోషల్ మీడియాలో పోస్టులు పెడుతూ ఆనందం వ్యక్తం చేశారు.
అయితే ఇప్పుడు ఈ విషయంలో మరో ట్విస్ట్ బయటకు వస్తోంది. భారీ ఎలివేషన్లు, సీఎం హోదా ప్రస్తావనలు టైటిల్ కార్డులో అవసరం లేదని Vijay సూచించినట్లు ప్రచారం జరుగుతోంది. “గౌరవనీయ ముఖ్యమంత్రి” వంటి పదాలు లేకుండా కేవలం “దళపతి విజయ్” అనే పేరుతో మాత్రమే టైటిల్ కార్డు ఉండాలని ఆయన అభిప్రాయపడ్డారని సమాచారం.
దీంతో ఇది విజయ్ వ్యక్తిత్వానికి ఉదాహరణ అని కొందరు అభిమానులు భావిస్తున్నారు. సీఎం అయినా తన స్టార్ ఇమేజ్ను అతిగా చూపించకుండా సాధారణంగా ఉండాలని చూస్తున్నారని అంటున్నారు.
ఇక Jana Nayagan విడుదల తేదీపై త్వరలో అధికారిక ప్రకటన వచ్చే అవకాశాలు ఉన్నట్లు తెలుస్తోంది. ప్రస్తుతం ఈ చర్చలన్నీ సినిమాపై మరింత హైప్ను పెంచుతున్నాయి.
Recent Random Post:
