స్టార్ హీరోల వ్యక్తిగత జీవితం, ముఖ్యంగా వారి సోషల్ మీడియా యాక్టివిటీ గురించి అభిమానుల్లో ఎప్పుడూ ప్రత్యేక ఆసక్తి ఉంటుంది. అలాంటి సమయంలో ఇప్పుడు హీరోయిన్ తమన్నా భాటియా చేసిన పాత కామెంట్స్ మరోసారి సోషల్ మీడియాలో వైరల్ అవుతున్నాయి.
కొన్నేళ్ల క్రితం ప్రముఖ ఓటీటీ ప్లాట్ఫామ్ ఆహాలో సమంత హోస్ట్గా నిర్వహించిన సామ్ జామ్ టాక్ షో మంచి ఆదరణ పొందింది. సినీ ప్రముఖులతో సరదాగా, ఓపెన్గా మాట్లాడిన ఆ షోలో తమన్నా కూడా అతిథిగా పాల్గొన్నారు. ఆ ఎపిసోడ్లో సమంత అడిగిన ప్రశ్నలకు తమన్నా ఆసక్తికర సమాధానాలు ఇచ్చారు.
“ఏదైనా సెలబ్రిటీ సోషల్ మీడియా అకౌంట్ను టేకోవర్ చేసే అవకాశం వస్తే ఎవరిని ఎంచుకుంటారు?” అని సమంత అడగగా, తమన్నా వెంటనే మహేష్ బాబు పేరు చెప్పడం విశేషం.
మహేష్ బాబు సోషల్ మీడియాలో చాలా కాన్ఫిడెంట్గా, క్యాండిడ్గా ఉంటారని తమన్నా పేర్కొన్నారు. వ్యక్తిగత జీవితంలో ఆయన చాలా ప్రైవేట్ పర్సన్ అయినప్పటికీ, సోషల్ మీడియాలో మాత్రం కుటుంబంతో గడిపిన క్షణాలు, ట్రావెల్ ఫోటోలు, త్రోబ్యాక్ పిక్స్ను అభిమానులతో పంచుకుంటారని తెలిపారు. అదే విషయమే తనకు చాలా ఆసక్తికరంగా అనిపిస్తుందని చెప్పారు.
ఇప్పుడు ఆ వీడియో మళ్లీ వైరల్ అవుతుండటంతో మహేష్ ఫ్యాన్స్ సోషల్ మీడియాలో భారీగా షేర్ చేస్తున్నారు. మహేష్ బాబు సోషల్ మీడియా స్టైల్ గురించి పలువురు సెలబ్రిటీలు కూడా గతంలో ప్రశంసలు కురిపించారు. సినిమా అప్డేట్స్తో పాటు భార్య నమ్రత, పిల్లలతో గడిపే అందమైన క్షణాలను పంచుకోవడం వల్ల ఆయనకు ప్రత్యేక సోషల్ మీడియా ఫ్యాన్ బేస్ ఏర్పడింది.
ఇక సినిమాల విషయానికొస్తే.. మహేష్ బాబు, సమంత కాంబినేషన్కు టాలీవుడ్లో ప్రత్యేక క్రేజ్ ఉంది. దూకుడు, సీతమ్మ వాకిట్లో సిరిమల్లె చెట్టు, బ్రహ్మోత్సవం చిత్రాల్లో వీరిద్దరూ కలిసి నటించారు. ముఖ్యంగా దూకుడులో వారి కెమిస్ట్రీ ప్రేక్షకులను బాగా ఆకట్టుకుంది.
మరోవైపు మహేష్ బాబు, తమన్నా కలిసి ఆగడు సినిమాలో నటించారు. శ్రీను వైట్ల దర్శకత్వంలో తెరకెక్కిన ఆ యాక్షన్ ఎంటర్టైనర్లో ఇద్దరి జోడీకి మంచి గుర్తింపు లభించింది.
Recent Random Post:
