బాలీవుడ్ ప్రముఖ ఫిల్మ్ మేకర్ కరణ్ జోహార్ ఇటీవల చేసిన ఓ చర్య సోషల్ మీడియాలో పెద్ద చర్చకు దారితీసింది. షారుఖ్ ఖాన్, రణవీర్ సింగ్, అలియా భట్, కత్రినా కైఫ్ వంటి టాప్ సెలబ్రిటీలను ఆయన ఇన్స్టాగ్రామ్లో అన్ఫాలో చేయడంతో అనేక ఊహాగానాలు మొదలయ్యాయి.
క్యాంప్లో విభేదాలు వచ్చాయన్న వార్తలతో పాటు, ఆయన తాజా ప్రాజెక్ట్ చాంద్ మేరా దిల్ పరాజయం కారణంగానే ఇలా చేస్తున్నారన్న రూమర్లు కూడా సోషల్ మీడియాలో వైరల్ అయ్యాయి.
ఈ ఊహాగానాలపై స్పందించిన కరణ్ జోహార్, తన ఇన్స్టాగ్రామ్ స్టోరీ ద్వారా అసలు విషయాన్ని వెల్లడించారు. పరిశ్రమలో ఎవరికీ తాను విభేదించలేదని స్పష్టం చేసిన ఆయన, ఇది పూర్తిగా వ్యక్తిగత నిర్ణయమని తెలిపారు.
“ఇది ఒక డిజిటల్ డిటాక్స్ మాత్రమే. సోషల్ మీడియాలో అవసరం లేని సమయాన్ని తగ్గించుకోవడం, మానసిక ప్రశాంతత కోసం మాత్రమే నేను చాలా మందిని అన్ఫాలో చేశాను” అని ఆయన పేర్కొన్నారు.
అంతేకాకుండా, దీనిని పెద్ద వార్తగా మార్చవద్దని, అనవసరంగా క్లిక్బైట్ కథనాలు రాయకూడదని మీడియా మరియు నెటిజన్లను కోరారు.
ప్రస్తుతం కరణ్ జోహార్ ఇన్స్టాగ్రామ్లో ఆయన ఫాలోయింగ్ సంఖ్య కేవలం 74కి తగ్గింది. అయితే గమనించదగ్గ విషయం ఏమిటంటే, ఆయన ఇంకా ప్రియాంకా చోప్రాను ఫాలో అవుతున్నారు.
ఇటీవల విడుదలైన కరణ్ జోహార్ నిర్మించిన చాంద్ మేరా దిల్ సినిమా బాక్సాఫీస్ వద్ద ఆశించిన ఫలితాన్ని సాధించలేకపోయింది. మిశ్రమ స్పందనలతో సినిమా పరాజయం దిశగా వెళ్లింది.
ఇలాంటి పరిస్థితుల్లో సెలబ్రిటీలు సోషల్ మీడియా నుంచి కొంత విరామం తీసుకోవడం సహజమని పరిశ్రమ వర్గాలు భావిస్తున్నాయి.
సోషల్ మీడియాలో చిన్న మార్పులను కూడా పెద్ద వివాదాలుగా మార్చే ట్రెండ్కు ఇది మరో ఉదాహరణగా నిలిచింది. కరణ్ జోహార్ స్పష్టీకరణతో అన్ని రూమర్లకు తెరపడినట్లైంది.
Recent Random Post:
