Suriya గత కొంతకాలంగా సరైన బ్లాక్బస్టర్ కోసం ఎదురుచూస్తున్నారు. భారీ అంచనాల మధ్య వచ్చిన కంగువ, రెట్రో సినిమాలు ఆశించిన స్థాయిలో ఆకట్టుకోకపోవడంతో అభిమానుల్లో కొంత నిరాశ నెలకొంది. ఈ నేపథ్యంలో తాజాగా విడుదలైన Karuppu (తెలుగులో వీరభద్రుడు) ఇప్పుడు బాక్సాఫీస్ వద్ద హాట్ టాపిక్గా మారింది.
సినిమా విడుదలకు ఒక రోజు ఆలస్యమైనప్పటికీ ఓపెనింగ్స్ బాగానే నమోదయ్యాయి. అయితే విడుదల తర్వాత వచ్చిన రివ్యూలు పూర్తిగా పాజిటివ్గా లేకపోవడం గమనార్హం. సోషల్ మీడియాలో కొందరు ప్రేక్షకులు కథ, స్క్రీన్ప్లే, ఎమోషనల్ కనెక్ట్ విషయంలో మిక్స్డ్ అభిప్రాయాలు వ్యక్తం చేశారు. క్రిటిక్స్ నుంచి కూడా మిశ్రమ స్పందనే వచ్చింది. అయినప్పటికీ సినిమా బాక్సాఫీస్ వద్ద మంచి కలెక్షన్లు రాబడుతుండటం చర్చనీయాంశమైంది.
ఇప్పటికే కరుప్పు రూ.100 కోట్లకు పైగా వసూళ్లు సాధించిందని ట్రేడ్ వర్గాలు చెబుతున్నాయి. సమ్మర్ సీజన్లో పెద్ద సినిమాల పోటీ లేకపోవడం, ఫ్యామిలీ ఆడియన్స్కు సరైన ఆప్షన్ లేకపోవడం ఈ సినిమాకు కలిసొచ్చిన అంశాలుగా విశ్లేషకులు భావిస్తున్నారు.
మాస్ యాక్షన్ ఎలిమెంట్స్, ఫైట్స్, ఎలివేషన్ సీన్స్ థియేటర్లలో మంచి రెస్పాన్స్ తెచ్చుకుంటున్నాయి. Trisha Krishnan హీరోయిన్గా నటించగా, చాలా కాలం తర్వాత సూర్య–త్రిష జోడీ మళ్లీ తెరపై కనిపించడం ప్రేక్షకుల్లో ఆసక్తిని పెంచింది.
ఇతర కీలక పాత్రల్లో ఇంద్రాన్స్, స్వసిక విజయ్, యోగిబాబు, ఆడుకాలం నరేన్, మన్సూర్ అలీ ఖాన్, జార్జ్ మరియన్ తదితరులు నటించారు. సినిమాకు దర్శకత్వం RJ Balaji వహించగా, డ్రీమ్ వారియర్ పిక్చర్స్ నిర్మాణంలో తెరకెక్కింది.
మొత్తానికి మిక్స్డ్ టాక్ ఉన్నప్పటికీ సరైన టైమింగ్, మాస్ ఎలిమెంట్స్, థియేటర్ ఆడియన్స్ రిస్పాన్స్ కారణంగా కరుప్పు బాక్సాఫీస్ వద్ద బలమైన రన్ కొనసాగిస్తోంది. ఫైనల్గా ఈ సినిమా ఎంతవరకు వసూళ్లు సాధిస్తుందో చూడాల్సి ఉంది.
Recent Random Post:
