పోర్నోగ్రఫీ కేసులో నటి శిల్పా శెట్టి భర్త రాజ్ కుంద్రా అరెస్ట్‌ సినీ పరిశ్రమను ఉలిక్కిపడేలా చేసింది. శిల్పాశెట్టి కూడా తీవ్ర మనస్తాపానికి గురైందనే వార్తలు వస్తున్నాయి. దీంతో ఆమె జడ్జిగా ఉన్న ఓ రియాలిటీ షోపై ఈ అంశం ఎఫెక్ట్ చూపే అవకాశం ఉందని వార్తలు వస్తున్నాయి. దీనికి బలాన్నిస్తూ.. ఈ రియాలిటీ షోకు సంబంధించిన లేటెస్ట్ ప్రోమో సాక్ష్యంగా నిలుస్తోంది. ఇందులో శిల్పాశెట్టి స్థానంలో కరిష్మా కపూర్ కనిపించడం ఇందుకు ఊతమిస్తోంది.
అయితే.. కరిష్మా కపూర్ ఈ ఒక్క షోకు మాత్రమే జడ్జిగా వ్యవహరిస్తోందనే వార్తలు కూడా లేకపోలేదు. శిల్పాశెట్టి మళ్లీ జడ్జిగా వస్తుందనే అంటున్నారు. దీంతోపాటు ఆమె నటించిన ‘హంగామా’ సినిమా విడుదలపై కూడా ఎఫెక్ట్ చూపే అవకాశం కనిపిస్తోంది. పెళ్లి తర్వాత నటనకు దూరమైన శిల్పా ఈ సినిమాతో కమ్ బ్యాక్ గ్రాండ్ గా ఇవ్వాలని భావించింది. కానీ.. ఈ ఎఫెక్ట్ సినిమాపై పడే అవకాశం ఉందని కూడా అంటున్నారు.
